Frá Vestmannaeyjum til Ísrael

Markvörðurinn Pavel Miskevich kveður ÍBV eftir tveggja og hálfs ár veru og gengur til liðs við ísraelska liðið Holon Yuvalim HC fyrir næsta tímabil. Þetta kemur fram í tilkynningu frá ÍBV í morgun.

Miskevich, sem er 28 ára gamall Hvít-Rússi, kom til ÍBV í upphafi árs 2023 frá spænska liðinu San Jose Lanzarote. Síðan hefur Miskevich myndað öflugt markvarðateymi með Petar Jokanovic og varð m.a. Íslandsmeistari vorið 2023 eftir æsispennandi leiki við Hauka í úrslitum.

Miskevich var með tæplega 27% hlutfallsmarkvörslu í Olísdeildinni í vetur sem leið.