- Auglýsing -
Fram vann stórsigur á Selfossi í síðasta leik Ragnarsmóts kvenna í handknattleik í Sethöllinni á Selfossi í dag, 37:22, og vann þar með mótið. Fram hafði betur í öllum þremur leikjum sínum í mótinu þrátt fyrir að vera ekki með alla sína öflugustu leikmenn. Ekkert liðanna þriggja sem mætti Fram í mótinu tókst að velgja Íslandsmeisturunum undir uggum.
Framarar gerðu út um leikinn við Selfoss í fyrri hálfleik. Liðið tók snemma forystuna en með því að skora níu af tíu síðustu mörkum fyrri hálfleik var alveg ljóst að Selfoss sneri vart blaðinu við í síðari hálfleik. Fram var 15 mörkum yfir, 25:10, þegar leikmenn köstuðu mæðinni að loknum 30 mínútum.
Þess ber að geta að Selfossliðið var heldur ekki með alla sína bestu leikmenn að þessu sinni. Tinna Sigurrós Traustadóttir og Hulda Dís Þrastardóttir tóku ekki þátt, ekkert frekar en í fyrri leikjunum tveimur á mótinu.
Fyrr í dag vann ÍBV liðsmenn Stjörnunnar, 26:19.
Mörk Fram: Steinunn Björnsdóttir 9, Perla Ruth Albertsdóttir 7, Erna Guðlaug Gunnarsdóttir 7, Þórey Rósa Stefánsdóttir 4, Daðey Ásta Hálfdánsdóttir 3, Tinna Valgerður Gísladóttir 3, Svala Júlía Gunnarsdóttir 2, Hekla Rún Ámundadóttir 2.
Varin skot: Soffía Steingrímsdóttir 12.
Mörk Selfoss: Katla María Magnúsdóttir 8, Rakel Guðjónsdóttir 4, Inga Sól Björnsdóttir 3, Kristín Una Hólmarsdóttir 2, Hulda Hrönn Bragadóttir 2, Adela Eyrún Jóhannsdóttir 2, Roberta Stropus 1.
Varin skot: Dröfn Sveinsdóttir 10, Cornelia Lennea Hermansson 4.
Lokastaðan:
| Fram | 3 | 3 | 0 | 0 | 96 – 69 | 6 |
| Selfoss | 3 | 1 | 1 | 1 | 77 – 86 | 3 |
| ÍBV | 3 | 0 | 2 | 1 | 80 – 82 | 2 |
| Stjarnan | 3 | 0 | 1 | 2 | 61 – 77 | 1 |
Keppni í Olísdeild kvenna hefst fimmtudaginn 15. september með viðureign Stjörnunnar og Fram í TM-höllinni í Garðabæ.
- Auglýsing -
