Fram 2 endurheimti í kvöld efsta sæti Grill 66-deildar karla eftir öruggan sigur á HK 2, 31:27, í síðasta leik fjórðu umferðar í Kórnum í Kópavogi. Framarar hafa unnið alla leiki sína til þessa. Þeir voru fjórum mörkum yfir í hálfleik, 16:12.
Forskoti því sem varð til í fyrri hálfleik héldu Framarar allt til leiksloka.
HK 2 hefur enn ekki krækt í stig.
Staðan og næstu leikir í Grill 66-deildum.
Mörk HK 2: Styrmir Hugi Sigurðarson 9, Ingibert Snær Erlingsson 6, Kristófer Stefánsson 6, Örn Alexandersson 5, Mikael Máni Weisshappel Jónsson 1.
Varin skot: Patrekur Jónas Tómasson 4, Egill Breki Pálsson 2.
Mörk Fram 2: Alex Unnar Hallgrímsson 6, Max Emil Stenlund 6, Arnþór Sævarsson 5, Gabríel Jónsson Kvaran 4, Egill Skorri Vigfússon 3, Daníel Stefán Reynisson 2, Kristófer Tómas Gíslason 2, Sigurður Bjarki Jónsson 2, Dagur Árni Sigurjónsson 1.
Varin skot: Garpur Druzin Gylfason 11.
