Framarar fóru létt með Selfoss í síðara uppgjöri liðanna á leiktíðinni í Olísdeild karla í handknattleik í Lambhagahöllinni í kvöld, 38:29. Fram hafði náð 10 marka forskoti strax eftir tíu mínútur í síðari hálfleik eftir að hafa verið fjórum mörkum yfir, 17:13, að loknum 30 mínútna leik. Ljóst var frá upphafi að Framliðið ætlaði sér ekki að tapa öðru sinni á leiktíðinni fyrir nýliðum Selfoss.
Fram situr áfram í 7. sæti deildarinnar en hefur fjarlægst neðstu liðin fimm eftir tvo sigurleiki í röð með 14 stig, fjórum stigum fyrir ofan Stjörnuna og HK. Selfoss er í 10. sæti með 9 stig.
Leikmenn Fram voru með frumkvæðið frá byrjun í Lambhagahöllinni. Það var hins vegar á fyrstu 10 mínútum síðari hálfleiks sem Framliðið gerði út um leikinn. Mestur varð munurinn 13 mörk, 36:23, áður en leikmenn Fram slökuðu aðeins á klónni á endasprettinum.
Ívar Logi Styrmisson og Max Emil Stenlund fóru á kostum og skoruðu 21 mark samanlagt.
Mörk Fram: Ívar Logi Styrmisson 11/4, Max Emil Stenlund 10, Dánjal Ragnarsson 7, Erlendur Guðmundsson 3, Eiður Rafn Valsson 2, Arnþór Sævarsson 2, Breki Hrafn Árnason 1, Theodór Sigurðsson 1, Tindur Ingólfsson 1, Þorsteinn Gauti Hjálmarsson 1.
Varin skot: Breki Hrafn Árnason 9/1, 31% – Arnór Máni Daðason 2, 18,2%.
Mörk Selfoss: Hannes Höskuldsson 7/5, Gunnar Kári Bragason 5, Anton Breki Hjaltason 4, Haukur Páll Hallgrímsson 3, Guðjón Baldur Ómarsson 3, Tryggvi Sigurberg Traustason 2/1, Valdimar Örn Ingvarsson 2, Alvaro Mallols Fernandez 1, Árni Ísleifsson 1, Elvar Elí Hallgrímsson 1.
Varin skot: Alexander Hrafnkelsson 9, 27,3% – Philipp Seidemann 4, 22,2%.
Tölfræði leiksins hjá HBstatz.
Staðan og næstu leikir í Olísdeild karla.
