Arnar Daði Arnarsson umsjónarmaður Handkastsins staðfesti í þættinum í gær að Benedikt Gunnar Óskarsson leikmaður Vals væri búinn að skrifa undir við norska stórliðið, Kolstad og gengur í raðir félagsins næsta sumar. Fregnir bárust af því fyrir helgi, óstaðfestar, að norska liðið væri með Benedikt Gunnar undir smásjá.
„Benedikt Gunnar Óskarsson hefur skrifað undir samning við stórlið Kolstad í Noregi. Það er staðfest og hann fer til Noregs næsta sumar. Það var einmitt að koma frétt að Christian Berge þjálfari liðsins sé búinn að framlengja samning sinn við Kolstad til 2027 þannig að Benni mun spila undir stjórn Christian Berge á næsta tímabili. Það verður gaman að sjá Benna í norsku deildinni,“ sagði Arnar Daði í Handkastinu en hlýða má á þáttinn hér fyrir neðan.
