Óli Björn Vilhjálmsson fyrirliði handknattleiksliðs Harðar á Ísafirði var ekkert að tvínóna á dögunum og skrifað undir fimm ára samning við félagið eftir því sem fram kemur í tilkynningu frá handknattleiksdeild Harðar í morgun.
„Óli Björn hefur náð þeim einstaka árangri sem afar fáir handboltamenn ná að taka stórstígum framförum á síðustu árum og var óumdeilanlega á meðal bestu manna Grill66 deildarinnar í fyrra og þriðji markahæsti maður Harðar og á meðal 20 markahæstu manna deildarinnar.
Óli Björn er mikilvæg stoð í leikmannahópnum bæði innan og utan vallar og mikilvægt fyrir unga leikmenn Harðar að geta leitað til hans,“ segir m.a. í tilkynningunni. Óli Björn hefur áður verið í herbúðum Gróttu og KR.
Hörður náði einstaklega glæsilegum árangri á síðustu leiktíð og þeirri fyrstu í Grill66-deild karla. Liðið komst í umspil um sæti í Olísdeildinni en tapaði naumlega í oddaleik fyrir Víkingi eftir æsilega spennandi þrjá leiki.
Óli Björn fylgir þar með í fótspor þjálfarans Carlos Martin Santos sem einnig skrifaði undir nýjan samning við Hörð á dögunum.
