„Það er mikil eftirvænting fyrir komandi verkefnum,“ segir Thea Imani Sturludóttir landsliðskona í handknattleik. Framundan er í mörg horn að líta hjá landsliðinu. Næstu daga tekur landsliðið þátt í fjögurra liða móti í Tékklandi, eftir mánuð bíða tveir vináttuleikir við Pólverja á heimavelli og loks þátttaka á Evrópumótinu sem hefst í Innsbruck í Austurríki í lok nóvember. Nokkrum dögum fyrir EM leikur íslenska landsliðið tvo vináttuleiki við Sviss ytra.
„Eitt helsta markmiðið með þátttöku okkar á mótinu í Tékklandi er að ná að spila okkur betur saman. Við höfum ekki fengið marga æfingaleiki á síðustu árum. Þess vegna er geggjað að fá leikina þrjá í Tékklandi til að spila okkur saman,“ segir Thea Imani í samtali við handbolta.is sem tekið var upp í gær en hún flaug með samherjum sínum í landsliðinu út til Tékklands í rauða bítið í morgun.
Lengra viðtal er við Theu Imani efst í þessari grein
A-landslið kvenna – fréttasíða.
Tveir mánuðir í EM – landsliðið er farið til Tékklands
