„Þegar leikið er við jafn sterkt lið og ÍBV þá verða menn að nýta öll þau tækifæri sem gefast. Margt gerðum við gott sóknarlega og á stundum í vörninni en það komu kaflar þar sem við vorum sjálfum okkur verstir,“ sagði Stefán Árnason þjálfari Aftureldingar eftir eins marks tap fyrir ÍBV í hörkuleik í 7. umferð Olísdeildar karla í Myntkauphöllinni að Varmá í dag, 34:33.
„Sem dæmi má nefna í byrjun síðari hálfleiks þegar höfðum minnkað muninn í eitt mark þá nýttum við ekki tækifæri sem gáfust, köstuðum þremur yfirtölum frá okkur og dauðafærum þegar möguleiki gafst á að komast yfir. Þess í stað þá voru Eyjamenn skyndilega komnir fimm mörkum yfir,“ sagði Stefán og bætti við. „Undir lokin vantaði okkur aðeins upp á þegar munurinn minnkaði undir lokin.“
Lengra viðtal er við Stefán í myndskeiði hér fyrir neðan.
Staðan og næstu leikir í Olísdeildum.
Elís Þór skoraði 15 mörk í naumum sigri ÍBV
Jokanovic meiddist gegn Aftureldingu
Strákarnir svöruðu kallinu alveg frábærlega
