Gísli Þorgeir Kristjánsson fékk byltu undir lok fyrri hálfleiks í viðureign Magdeburg og MT Melsungen í kvöld og fékk þungt högg á hægri síðuna. Hann mætti þjáður til leiks í síðari hálfleik og hélt eitthvað áfram að leika með liðinu sem vann leikinn með fjögurra marka mun, 31:27. Gísli Þorgeir viðurkenndi eftir leikinn að finna fyrir verk í hægri síðunni.
Myndataka á morgun
„Ég vildi bara halda áfram og hjálpa liðinu,“ er haft eftir Gísla Þorgeiri á handball-world í kvöld en hann fer í ítarlega skoðun og myndatöku á morgun. Í framhaldinu skýrist hversu alvarleg meiðsli Gísla Þorgeirs eru.
Gísli Þorgeir skoraði tvö mörk í leiknum og gaf eina stoðsendingu. Ómar Ingi Magnússon skoraði fimm mörk fyrir Magdeburg og Elvar Örn Jónsson tvö mörk.
Arnar Freyr Arnarsson skoraði eitt mark fyrir MT Melsungen. Reynir Þór Stefánsson var ekki í leikmannahópi MT Melsungen sem er í sjöunda sæti með 17 stig eftir 16 leiki.
SC Magdeburg er efst sem fyrr með 29 stig að loknum 15 leikjum.
Staðan í þýsku 1.deildinni:
Endurkoma Viggós nægði ekki gegn Minden
Langþráður sigur hjá Blæ og liðsfélögum
