Franska stórliðið PSG hefur hafið leit að nýjum þjálfara fyrir karlalið félagsins eftir að Spánverjinn Raúl Gonzalez var ráðinn landsliðsþjálfari Serbíu í karlaflokki. Gonzalez tekur við þjálfun landsliðsins um mitt næst ár og á að rífa það upp ládeyðu og í röð þeirra allra fremstu. Eitt helsta markmiðið er að serbenska landsliðið verði með í handknattleikskeppni Ólympíuleikanna í Los Angeles 2028.
Gonzalez hefur þjálfað PSG frá 2018. Á hverju ári síðan hefur liðið unnið franska meistaratitilinn. Síður hefur gengið við að ná markmiðinu um sigur í Meistaradeild Evrópu þrátt fyrir að hafa valinn mann í hverju rúmi. Samningur Gonzalez við frönsku meistarana rennur út í lok leiktíðar í vor.
Kom ekki til greina
Franska íþróttblaðið L’Équipe segir að serbneska handknattleikssambandið hafi viljað fá Gonzalez til starfa nú þegar þegar en forsvarsmenn PSG hafi ekki ljáð máls á því. Þar af leiðandi heldur Boris Rojevic áfram starfi sínu þangað til annað verður ákveðið. Rojevic hefur verið starfandi landsliðsþjálfari Serbíu frá því snemma árs. Hann er einnig þjálfari meistaraliðsins í Serbíu í karlaflokki, Vojvodina frá Novi Sad.
Megn óánægja
Megn óánægja ríkir með Rojevic eftir tap serbneska landsliðsins fyrir ítalska landsliðinu í undankeppni EM2026 síðasta sunnudag í Fasano á Ítalíu. Þar á ofan tókst honum ekki að stýra serbenska landsliðinu til sigur í undankeppni HM í vor. Serbar sitja þar af leiðandi heima þegar HM er fram í janúar í grannríkinu, Króatíu.
Gonzalez þekkir til þjálfun landsliða eftir að hafa verið með landslið Norður Makedóníu á sinni könnu frá 2017 til 2019.
