„Það hefur komið fram á síðustu dögum að Gísli Þorgeir er byrjaður að leika með Magdeburg eftir meiðslin. Við þurfum ekkert að fara ítarlega yfir þá staðreynd að Gísli Þorgeir er íslenska landsliðinu mikilvægur enda mjög góður í handbolta. Gísli Þorgeir í toppstandi er okkur gríðarlega mikilvægur,“ sagði Snorri Steinn Guðjónsson landsliðsþjálfari á blaðamannafundi þar sem hann fór yfir val á æfingahópnum fyrir Evrópumótið í handknattleik karla. Æfingar hefjast 27. desember en fyrsti leikur Íslands á mótinu verður 12. janúar.
Segist vera klár í slaginn
„Ef Gísli er spurður þá segist hann verið 120 prósent klár. Ég ætla að trúa honum. Það er einnig mjög eðlilegt og mikilvægt að við fylgjumst vel með manni sem er að kom til baka eftir eftir alvarleg meiðsli,“ sagði Snorri Steinn en hann hefur verið í reglulegu sambandi við Gísla Þorgeir Kristjánsson sem er leikmaður Evrópumeistara SC Magdeburg.
Leikir Íslands í C-riðli EM í München: 12. jan.: Ísland – Serbía, kl.17. 14. jan.: Ísland – Svartfjallaland, kl. 17. 16. jan.: Ísland – Ungverjaland, kl. 19.30.
Mjög mikilvægur
„Hvort Gísli Þorgeir sé nákvæmlega eins og hann var áður en hann meiddist í júní verður að koma í ljós. Gísli Þorgeir er mikilvægur fyrir okkur og þarf ekki að vera orðinn 100 prósent góður til þess að styrkja okkur. En auðvitað skiptir heilsa hans öllum máli.
Vinnur hörðum höndum
Eftir samtöl mín þá er ég sannfærður að hann á heima í hópnum. Gísli er mjög einbeittur við það sem hann er að gera og langar mjög að fara og vinnur að því hörðum höndum. Ég á ekki von á vandræðum,“ sagði Snorri Steinn Guðjónsson landsliðsþjálfari í handknattleik karla á blaðamannafundi.
Forkeppni ÓL er fyrsta markmiðið – þarf framúrskarandi árangur
Elvar Örn er helsta spurningamerkið
