Gríðarlegur áhugi er á meðal Færeyinga fyrir U21 árs landsliði sínu sem staðið hefur sig frábærlega á heimsmeistaramótinu. Um 100 áhorfendur Færeyingar eru í Berlín til þess að styðja liðið en Færeyingar mæta Serbíu í átta liða úrslitum í dag. Leiknum verður sjónvarpað í Kringvarpinu, ríkissjónvarpi Færeyja, og sýndur á að minnsta kosti fimm risaskjám víðsvegar um Eyjarnar.
Ef færeyska liðið vinnur leikinn við Serbíu í dag og leikur til undanúrslita hefur Atlantic Airways ákveðið að efna til hópferðar frá Færeyjum á laugardagsmorgun með 180 áhorfendur í viðbót. Auk þess er reiknað með að margir Færeyingar sem búa í Danmörku sláist í hópinn.
Einnig er nokkrir færeyskir frétta- og blaðamenn auk ljósmyndara í Berlín vegna mótsins. Þeir hafa í mörg horn að líta enda er áhuginn fyrir landsliðinu gríðarlegur og skal engan undra enda magnað að fylgjast með færeyska handboltavorinu.
