Grótta færðist upp að hlið Fram 2 á toppi Grill 66-deildar karla í gærkvöld. Grótta lagði Hauka 2, 30:27, í upphafsleik 5. umferðar í Hertzhöllinni á Seltjarnarnesi. Grótta hefur átta stig að loknum fimm viðureignum. Fram 2 á fjóra leiki að baki.
Haukar 2 hafa fjögur stig eftir fimm viðureignir.
Grótta var marki yfir í hálfleik, 13:12. Snemma í síðari hálfleik jókst forskot Gróttu nokkuð, í þrjú til fjögur mörk. Mestur varð munurinn sex mörk, 27:21.
Haukar sóttu í sig veðrið á lokamínútunum og lánaðist að minnka muninn í eitt mark, 28:27, hálfri mínútu fyrir leikslok.
Staðan og næstu leikir í Grill 66-deildum.
Mörk Gróttu: Gunnar Hrafn Pálsson 7, Antoine Óskar Pantano 6, Bessi Teitsson 5, Gísli Örn Alfreðsson 3, Tómas Bragi Lorriaux Starrason 3, Þorgeir Bjarki Davíðsson 3, Ari Pétur Eiríksson 2, Hrafn Ingi Jóhannsson 1.
Varin skot: Hannes Pétur Hauksson 14, Þórður Magnús Árnason 1.
Mörk Hauka 2: Daníel Wale Adeleye 7, Daníel Máni Sigurgeirsson 6, Jónsteinn Helgi Þórsson 4, Helgi Marinó Kristófersson 3, Ari Dignus Maríuson 1, Arnór Róbertsson 1, Ásgeir Bragi Bryde Þórðarson 1, Bóas Karlsson 1, Gústaf Logi Gunnarsson 1, Sigurður Bjarmi Árnason 1, Þórður Rafn Guðmundsson 1.
Varin skot: Ari Dignus Maríuson 11.
