Grill 66-deildar lið Gróttu lagði Olísdeildarlið ÍBV, 35:32, í framlengdri viðureign í 16-liða úrslitum Poweradebikars kvenna í handknattleik í Hertzhöllinni á Seltjarnarnesi í kvöld. Grótta er þar með komin í átta liða úrslit keppninnar en leikmenn ÍBV sitja eftir með sárt ennið.
Edda Steingrímsdóttir var hetja Gróttu þegar hún jafnaði metin fjórum sekúndum fyrir lok venjulegs leiktíma, 27:27. Edda fór inn úr þröngu færi í vinstra horni og skoraði af öryggi framhjá Amalia Frøland markverði ÍBV.
Grótta var sterkari í framlengingunni og náði fimm marka forskoti, 34:29, snemma í síðari hluta framlengingarinnar.
Mörk Gróttu: Ída Margrét Stefánsdóttir 7, Katrín S. Scheving Thorsteinsson 7, Katrín Arna Andradóttir 6, Karlotta Kjerúlf Óskarsdóttir 5, Þóra María Sigurjónsdóttir 4, Edda Steingrímsdóttir 2, Guðrún Þorláksdóttir 2, Katrín Helga Sigurbergsdóttir 1, Lilja Hrund Stefánsdóttir 1.
Varin skot: Andrea Gunnlaugsdóttir 12, Anna Karólína Ingadóttir 2.
Mörk ÍBV: Sandra Erlingsdóttir 10, Birna Berg Haraldsdóttir 8, Alexandra Ósk Viktorsdóttir 4, Ásta Björt Júlíusdóttir 3, Ásdís Halla Hjarðar 3, Agnes Lilja Styrmisdóttir 2, Amalia Frøland 1, Klara Káradóttir 1.
Varin skot: Amalia Frøland 14, Ólöf Maren Bjarnadóttir 2.
Tölfræði HBStatz.
