- Auglýsing -
HK leikur til úrslita um sæti í Olísdeild kvenna í handknattleik við ÍR. HK vann Gróttu öðru sinni í undanúrslitum í kvöld, 25:19 í Kórnum, og samanlagt 56:40, í tveimur viðureignum.
Fyrr í kvöld lagði ÍR lið FH í annað sinn. Fyrsti úrslitaleikurinn í umspilinu fer fram mánudaginn 9. maí í Kórnum. HK verður með heimaleikjarétt. Vinna þarf þrjá leiki til þess að vinna umspilskeppnina og öðlast þar með sæti í Olísdeild á næsta keppnistímabili.
Aðeins var eins marks munur á HK og Gróttu að loknum fyrri hálfleik í Kórnum í kvöld, 11:10. HK-liðið sýndi tennurnar í síðari hálfleik og vann örugglega.
Mörk HK: Jóhanna Margrét Sigurðardóttir 5, Sara Katrín Gunnarsdóttir 5, Elna Ólöf Guðjónsdóttir 3, Valgerður Ýr Þorsteinsdóttir 3, Aníta Eik Jónsdóttir 2, Þóra María Sigurjónsdóttir 2, Katrín Hekla Magnúsdóttir 1, Guðrún Erla Bjarnadóttir 1, Jóhanna Lind Jónasdóttir 1, Sóley Ívarsdóttir 1, Inga Dís Jóhannsdóttir 1.
Mörk Gróttu: Katrín Anna Ásmundsdóttir 9, Katrín Helga Sigurbergsdóttir 5, Valgerður Helga Ísaksdóttir 3, Hrafnhildur Hekla Grímsdóttir 2.
- Auglýsing -
