Guðrún skrifar undir á Hlíðarenda

Guðrún Hekla Traustadóttir hefur skrifað undir samning við handknattleiksdeild Vals sem gildir fram á sumarið 2028. Guðrún, sem verður 18 ára á árinu, er mjög efnilegur leikmaður sem leikur allar stöðurnar fyrir utan í sókn og í bakverði í vörninni, segir í tilkynningu handknattleiksdeildar Vals í dag.

Guðrún hefur leikið með meistaraflokki í ár og í fyrra og hefur hlutverk hennar verið að stækka jafnt og þétt. Hún var meðal annars valin efnilegasti leikmaður meistaraflokks á lokahófi meistaraflokkanna sl. vor. Eins hefur hún verið í yngri landsliðum Íslands undanfarin ár.