Gunnar Dan gengur til liðs við HK

Gunnar Dan Hlynsson línumaður hefur skrifað undir samning við HK. Hann kemur til félagsins frá Gróttu en áður lék Gunnar Dan með Haukum upp í meistaraflokk.

„Gunnar Dan er öflugur línumaður sem við sjáum mynda frábært teymi með Sigga á næstu árum. Með komu Gunnars höfum við fleiri möguleika bæði í sókn og vörn sem styrkir hópinn okkar til að taka næstu skref í framþróun á liðinu og ná þeim markmiðum sem við setjum okkur sem lið. Eftir mjög góð samtöl við Gunnar er ég sannfærður að hann verður frábær viðbót við okkar unga en öfluga hóp,” er haft eftir Halldóri Jóhanni Sigfússyni þjálfara HK í tilkynningu í dag.

HK hafnaði í áttunda sæti Olísdeildar í vor og tók þátt í úrslitakeppninni í fyrsta sinn í 13 ár.

Olísdeild karla – fréttasíða.