- Auglýsing -
Unglingalandsliðskonan Gyða Kristín Ásgeirsdóttir hefur framlengt samning sinn við handknattleiksdeild FH en liðið leikur í Grill 66-deildinni.
Gyða Kristín er efnilegur leikmaður sem leikur í stöðu hægri hornamanns. Hún var með U18 ára landsliðinu á HM í Kína í ágúst á síðasta ári og var á dögunum valin í U19 ára landsliðið sem kemur saman til æfinga snemma í næsta mánuði. Framundan hjá landsliðinu er þátttaka á EM í Svartfjallalandi í sumar.
„Við erum virkilega ánægð með að Gyða Kristín hafi framlengt samninginn sinn við félagið og haldi áfram að vaxa og dafna í FH-treyjunni,“ segir m.a. í tilkynningu handknattleiksdeildar FH.
- Auglýsing -
