Leikmenn Harðar á Ísafirði söfnuðu tveimur stigum til viðbótar í sarpinn í gærkvöld þegar þeir unnu ungmennalið Fram, 35:32, í mikilli markaveislu í Framhúsinu í Safamýri.
Um var að ræða fjórða sigurleik Harðar í deildinni og er liðið komið upp í sjöunda sæti með níu stig að loknum 11 leikjum. Hörður er nýliði í deildinni. Hóf keppni í haust og hefur svo sannarlega sannað tilverurétt sinn í Grill 66-deildinni.
Hörður var fjórum mörkum yfir að loknum fyrri hálfleik, 19:15. Eins og tölurnar gefa til kynna var varnarleikurinn e.t.v. ekki í hávegum hafður lengst af.
Ungmennalið Fram situr áfram í neðsta sæti deildarinnar án stig eftir 12 viðureignir.
Mörk Fram U.: Marteinn Sverrir Ingibjargarson 8, Arnór Róbertsson 6, Stefán Orri Arnalds 5, Aron Fannar Sindrason 4, Róbert Árni Guðmundsson 3, Aron Örn Heimisson 3, Guðjón Andri Jónsson 3.
Mörk Harðar: Raivis Gorbunovs 9, Guntis Pilpuks 8, Jón Gíslason 4, Aleksa Stevanovic 4, Óli Björn Vilhjálmsson 3, Daníel Wale 3, Ásgeir Kristjánsson 2, Tadeo Salduna 1, Endjis Kusners 1.
Staðan í Grill 66-deild karla.
