- Auglýsing -
Leikmenn Vals hafa sótt í sig veðrið í síðustu leikjum Olísdeildar karla. Þeir lögðu Stjörnuna í gær, 31:24, og ÍBV með átta marka mun síðasta laugardag, 34:26. Í viðureigninni við ÍBV sýndu Valsmenn snilldartilþrif á köflum sem kom m.a. til umræðu í síðasta þætti Handboltahallarinnar, vikulegs þáttar um handbolta sem er á dagskrá í sjónvarpi Símans.
Arnór Snær Óskarsson lagði þar upp frábært sirkusmark fyrir Gunnar Róbertsson og Björgvin Páll Gústavsson markvörður átti fumlausa sendingu fram allan völlinn sem leiddi til marks án þess að Eyjamenn fengju rönd við reist. Sannkallaðir listamenn í handboltanum.
Myndskeið af þessum atvikum er að finna hér fyrir neðan.
- Auglýsing -
