- Auglýsing -
Í Handboltahöllinni á Handboltapassanum á mánudagskvöld var farið yfir þá skemmtilegu staðreynd að mæðgur mættust í leik KA/Þórs og ÍBV í 16. umferð Olísdeildar kvenna.
Ólöf Maren Bjarnadóttir lék í marki ÍBV og móðir hennar Selma Sigurðardóttir lék í mark KA/Þórs. Leiknum lauk með öruggum sigri ÍBV en mæðgurnar vörðu báðar skot í honum.
Mæðgur voru andstæðingar um stund
„Maður hefur einstaka sinnum séð mæðgur spila saman fyrir utan. Mamman á miðjunni, eins og hjá Kristínu Guðmunds og Emblu dóttur hennar. En tveir markverðir í sitt hvoru liðinu, það er skemmtilegt,“ sagði Vignir Stefánsson, annar sérfræðingar Handboltahallarinnar.
Í myndskeiðinu hér að ofan má sjá mæðgurnar verja sitt hvort sitt skotið ásamt stuttri umræðu um þær.
- Auglýsing -
