„Magnús Gunnar átti Tom Brady sendingu í þessum leik,“ sagði Hörður Magnússon umsjónarmaður Handboltahallarinnar um stórkostlega sendingu Magnúsar Gunnars Karlsson markvarðar Hauka frá endalínu við sitt mark yfir leikvöllinn á samherja sinn Össur Haraldsson sem var nánast í horninu hinum megin vallarins í viðureign Hauka og Stjörnunnar í 7. umferð Olísdeildar karla í handknattleik.
Horn í horn
„Þetta er sturluð sending, horn í horn og sem betur fer skoraði hann,“ sagði Einar Ingi Hrafnsson sérfræðingur Handboltahallarinnar glettinn á svip um sendinguna góðu og mark Össurar.
Auk þessa atviks var rætt í Handboltahöllinni um Frey Aronsson leikmann Hauka sem slegið hefur í gegn í Olísdeildinni á leiktíðinni.
Myndskeið með sendingu Magnúsar Gunnars og marki Össurar í framhaldinu auk tilþrifa Freys er að finna í myndskeiði hér fyrir ofan.
Haukar sækja FH-inga heim í Kaplakrika í 8. umferð Olísdeildar karla klukkan 19.30 í kvöld.
Olísdeild karla – staðan og næstu leikir
