(Ógreidd fréttatilkynning frá Handboltaskóla Framtíðarinnar.)
Skráning er hafin á tækninámskeið Sigvalda og Óðins í samstarfi við Handboltaskóla Framtíðarinnar.
Tækninámskeið Handboltaskóla Framtíðarinnar fyrir stráka og stelpur fædd 2009-2010 er tilvalið fyrir iðkendur sem vilja æfa aukalega í sumar.
Aðalþjálfarar á tækninámskeiðinu verða landsliðsmennirnir Óðinn Þór Ríkharðsson og Sigvaldi Björn Guðjónsson. Lögð verður áhersla á sendingar- og skottækni. Auk þess sem unnið verður með ákvörðunartöku og leikskilning. Æfingarnar verða einstaklingsmiðaðar út frá leikstöðu hvers leikmanns.
Þeir félagar ætla miðla reynslu sinni og þekkingu til ungra og efnilegra leikmanna sem vilja bæta leik sinn á þessu fimm daga tækninámskeiði. Auk þess munu þeir fá til sín aðra landsliðsmenn á æfingarnar.
Yfirþjálfari yfir námskeiðinu er Arnar Daði Arnarsson stofnandi Handboltaskóla Framtíðarinnar.
Aðalþjálfarar eru landsliðsmennirnir Óðinn Þór Ríkharðsson og Sigvaldi Björn Guðjónsson.
Aðrir þjálfarar: Atvinnu- og landsliðskonur og -menn.
Markmannsþjálfun verður í höndum reynslu mikilla markvarða.
Staðsetning: Kórinn, Kópavogur
Dagsetning: 23. – 27.júní
Lengd æfinga: Hver æfing er 80 mínútur. Æfingatímar eru fyrir hádegi og verða auglýstir þegar nær dregur.
Fjöldi: 12 skyttur- og miðjumenn og 8 horna- og línumenn. 4 markmenn.
Verð fyrir útileikmenn 39.950 kr.
Verð fyrir markmenn 19.950 kr.
