Handboltinn okkar: Olísdeild karla krufin til mergjar

Það er heldur betur stutt á milli þátta hjá þeim félögum í hlaðvarpsþættinum Handboltinn okkar en þeir gáfu út sinn 57.þátt í dag, innan við sólarhring eftir að sá 56. kom út. Umsjónarmenn þáttarins voru þeir Gestur Guðrúnarson og Arnar Gunnarsson.

Í þætti dagsins fóru þeir yfir tuttugustu umferðina í Olísdeild karla en það varð endanlega ljóst að henni lokinni að Þór er fallinn úr Olísdeildinni. Þá finnst þeim eins og að leikmenn Fram hlusti ekki lengur á Sebastian Alexandersson þjálfara liðsins en hann hættir þjálfun liðsins að loknu þessu keppnistímabili.