44. þátturinn af Handboltinn okkar er kominn í loftið. Að þessu sinni var Jóhannes Lange vant við látinn við endurnýjun á húsnæði og átti ekki heimangengt. Í hans stað kom Arnar Gunnarsson þjálfari Neistans í Færeyjum. Gestur og Arnar fóru yfir gang mála í 15. umferð í Olísdeild karla og voru á því að léleg taktík hjá Valsmönnum hafi orðið þeim að falli í leik gegn ÍBV. Þá fóru þeir aðeins inná brottrekstur Sebastians Alexanderssonar frá Fram sem og þeir kíktu á mál Vængja Júpíters sem verður að segjast að er hið undarlegasta.
Þeir héldu uppteknum hætti og völdu þá leikmenn sem koma til greina sem BK leikmaður 15. umferðar í Olísdeild karla. Þeir sem eru tilnefndir að þessu sinni eru: Birgir Steinn Jónsson (Gróttu), Atli Báruson (Haukum), Gísli Jörgen Gíslason (Þór Ak.), Sigtryggur Daði Rúnarsson (ÍBV) og Brynjar Vignir Sigurjónsson (Aftureldingu).
