Í þætti dagsins af Handboltinn okkar fóru þeir félagar Jói Lange og Gestur Guðrúnarson yfir leikina sem voru í 8. umferð í Olísdeild karla og kvenna. Þeir hófu þáttinn á Olísdeild kvenna þar sem þeir rýndu í leikina og það sem þeir félagar vilja sjá betur fara ásamt því að tilnefna þá leikmenn sem koma til greina sem BK leikmaður 8. umferðar en kosning um það fer af stað á samfélagsmiðlum þáttarins síðar í dag. Þær sem koma til greina eru þær Ragnheiður Júlíusdóttir (Fram), Eva Björk Davíðsdóttir (Stjörnunni), Annika Friðheim Petersen (Haukum), og Ásdís Guðmundsdóttir (KA/Þór).
Þá fóru þeir einnig yfir leikina í Olísdeild karla þar sem þeir komust nú ekki hjá því að ræða örlítið um vistaskipti Björgvins Páls Gústavssonar frá Haukum yfir í Val þar sem að Valur er greinilega að fara búa til atvinnumanna umhverfi.
Líkt og hjá stelpunum þá tilnefndu þeir þá leikmenn sem koma til greina sem BK leikmaður umferðarinnar en það eru þeir Arnór Snær Óskarsson (Val), Darri Aronsson (Haukum), Nicholas Satchwell (KA), Atli Ævar Ingólfsson (Selfoss), Tandri Már Konráðsson (Stjörnunni) og Phil Döhler (FH).
Þá luku þeir þættinum á því að renna yfir gang mála í Grill66-deildum karla og kvenna ásamt því að ræða aðeins metnað félaga í umgjörð í kringum liðin sín.
Því miður var tæknin í nýja stúdíóinu aðeins að stríða þeim félögum í upphafi þáttar og þeir biðjast velvirðingar á því og lofa að það verði lagað fyrir næsta þátt.
Smelltu á hlekkinn niður í hægra horninu hér fyrir neðan og hlustaðu á þáttinn.
