Eftir sjö tapleiki í röð kom loks sigur hjá KA gegn Haukum í 17. umferðinni. Gaupi var spurður út í frammistöðu KA í vetur og það stóð ekki á svari hjá Gaupanum.
„KA hefur valdið mér miklum vonbrigðum í vetur. Liðið hefur engan veginn staðið undir væntingum. Þessi gull-kynslóð sem KA hefur sagst hafa búið til, Skarphéðinn Ívar, Dagur Árni, Arnór Ísak, Magnús Jónatansson, þessir leikmenn hafa fengið mikinn spiltíma í vetur en þeir hafa engu bætt við. Það eru engar framfarir að mínu viti, þeir eru ekkert betri en þeir voru á síðustu leiktíð. Það er það sem mér finnst skrítið í leik KA.” – Gaupinn
„Eru þessi strákar að spila betur en þeir gerðu? Svarið er nei. Við getum sagt að þeir séu ungir að árum en það er eitthvað sem vantar. Það er eitthvað í akademíska umhverfinu sem er ekki í lagi. Þeir hafa einfaldlega ekki staðið undir þeim væntingum sem gerðar voru til þeirra. Í það minnsta þær væntingar sem KA-menn vonuðst til að fá frá þeim.” – Gaupinn
„Mér finnst þetta ekki gott. Það vakti athygli mína að þjálfari KA sagði eftir sigurinn á Haukum að KA hafi verið að spila mjög vel á köflum í síðustu sex leikjum. Ég hef séð marga leiki og ég velti fyrir mér, hvar voru þeir að spila vel og hvaða kafla var hann ánægður með? Þetta hefur ekki verið gott og þeir hafa verið í holu. En þessi sigur þeirra á Haukum gefur þeim rosalega mikið.” – Gaupinn
