„Ég held að næsta trappa hans á verði að fara í atvinnumennskuna. Þetta verður hans síðasta tímabil í Eyjum,“ segir Styrmir Sigurðsson einn umsjónarmanna Hlaðvarpsþáttarins Handkastið um Arnór Viðarsson í nýjasta þættinum þar rætt er m.a. um Íslandsmeistara ÍBV og hvers megi vænta af þeim.
Styrmir, Arnar Daði og Theodór Ingi, umsjónarmenn Handkastsins, eru sammála um að Arnar munu halda áfram að vaxa jafnt og þétt á tímabilinu og að hans bíði að kveðja Vestmannaeyjar næsta sumar og fylgja í kjölfar bróður síns, Elliði Snæs, út í atvinnumennsku í handknattleik.
„Ef Arnór tekur það skref í vetur sem hann virðist vera í þann mund að taka þá verða Eyjamenn í góðri stöðu undir lok tímabilsins,“ segir Arnar Daði, Sérfræðingurinn með stóru essi.
„Framfarir hans hafa verið jafnar og þétta á síðust árum. Hann verður alltaf betri og betri,“ bætir Theodór Ingi við.
Tekst að fylla í skarð Rúnars?
Umræðan um ÍBV hefur eftir rúmlega 16 mínútur. Sjónum er sérstaklega beint að Arnóri eftir um 22 mínútur. Rætt er ýtarlega um ÍBV-liðið sem í sumar sá m.a. á bak besta leikmanni Íslandsmótsins á síðustu leiktíð, Rúnari Kárasyni. Tekst ÍBV að fylla skarðið sem Rúnar skilur eftir sig?
Handkastið – upphitunarþáttur part 1 – frá austri til vesturs er finna hér fyrir neðan.
