„Við hefðum viljað bæta við okkur fleiri leikmönnum í sumar og eru svo sem ennþá að leita,“ sagði Halldór Stefán Haraldsson nýr þjálfari KA þegar Arnar Daði Arnarsson einn umsjónarmanna Handkastins spurði hann hvort til stæði að styrkja lið KA meira áður en átökin hefjast í Olísdeild karla í handknattleik.
Í þættinum fara Arnar Daði Arnarsson, Sérfræðingurinn með stóru essi, Theodór Ingi Pálmasson og Styrmir Sigurðsson yfir á tæpitungulausan hátt sex af 12 liðum Olísdeildar. Síðari upphitunarþátturinn fer í loftið eftir helgi. Meðal annars er farið ýtarlega yfir KA-liðið. KA hafnaði í 10. sæti á síðustu leiktíð og stóð ekki af sér baráttuna við falldrauginn fyrir en í síðustu umferð.
Vöngum er vel yfir hvort líkur séu á að KA geri betur í vetur eða hvort liðið sogast neðar. Sitt sýnist hverjum.
Viðtalið við Halldór Stefán hefst eftir rúmlega níu mínútur.
