„Norska liðið krafði KA um fimmtán þúsund evrur í uppeldisbætur fyrir Nikolai,“ sagði Styrmir Sigurðsson í nýjasta þætti Handkastsins sem fór í loftið í kvöld þegar enn og aftur var rætt um fjarveru norska markvarðarins Nicolai Horntvedt Kristensen sem samdi við KA í sumar, á leikvellinum í Olísdeildinni. Hafa menn nyrðra farið í kringum málið eins og köttur í kringum heitan graut.
„Þetta er hellingspeningur fyrir handboltalið á Íslandi,“ sagði Styrmir. Fimmtán þúsund evrur eru nærri 2,2 milljónum króna.
Meðan hnífurinn stendur í kúnni milli KA og Nøtterøy þá fær Nikolai ekki leikheimild. Fróðlegt verður að sjá hvort úr hafi ræst á fimmtudaginn þegar KA sækir nýliða HK heim í sjónvarpsleik Símans í 3. umferð Olísdeildar sem fram fer í Kórnum í Kópavogi á fimmtudagskvöld.
Fram kemur í Handkastinu að alþjóðlega reglur um uppeldisbætir í handknattleik hafi verið breytt fyrir tveimur árum. Þær ná nú yfir allar samninga, hvort sem menn skrifa undir áhugamannasamning eða atvinnumannasamning fyrir leikmenn 23 ára og yngri.
Umræðan um kröfuna á hendur KA um uppeldisbætur hefst eftir 12,45 mínútur í þætti kvöldsins.
