„Þetta verður örugglega frábær leikur. Það verður gaman að fara aftur í Mósó. Aftureldingarliðið er gríðarlega sterkt lið og frábærlega mannað. Við munum peppa okkur upp fyrir leikinn,“ segir handknattleiksmaðurinn Sveinn Andri Sveinsson í samtali við Handkastið.
Sveinn Andri gekk nýverið til liðs við Selfoss en hann fór óvænt frá Aftureldingu snemma í ágúst á síðasta ári og gekk til liðs við Empor Rostock.
Viðureign Aftureldingar og Selfoss í Olísdeild karla hefst klukkan 19.30 í kvöld að Varmá.
Í viðtali við Handkastið segir Sveinn Andri frá ástæðum þess að hann gekk til liðs við Selfoss á dögunum, eftir að hafa m.a. æft með Haukum í sumar. Einnig ræðir hann við Sérfræðinginn um brotthvarfið frá Aftureldingu og um árið með Empor Rostock í þýsku 2. deildinni. Sveinn Andri segir deildina hafa verið öfluga og vanmetna hér á landi.
Viðtalið við Svein Andra hefst eftir sléttar 16 mínútur.
Dagskráin: Þrír næstu leikir í annarri umferð
