Hannes fyrirliði slær ekki af

Hannes Höskuldsson hefur framlengt samning sinn við handknattleiksdeild Umf. Selfoss um tvö ár.

Hannes, sem er fyrirliði Selfossliðsins, er 25 ára vinstri hornamaður sem alinn er upp á parketinu á Selfossi. Hannes var fastamaður í Íslandsmeistaraliði Selfoss vorið 2019 og hefur leikið með meistaraflokki allar götur síðan. Hannes slær hvergi af í vetur.

„Það er frábært fyrir okkur og frábært fyrir meistaraflokk að hafa leiðtoga eins og Hannes með sér í liði,“ segir í tilkynningu handknattleiksdeildar Umf. Selfoss.

Selfoss vann Hauka2 í fyrstu umferð Grill 66-deildar á síðasta föstudag. Í annarri umferð sækir Selfossliðið heim Harðarmenn til Ísafjarðar á morgun.

Staðan og næstu leikir í Grill 66-deildum.

Grill 66-deild karla – fréttir.