Haraldur Björn Hjörleifsson, ungur og efnilegur handknattleiksmaður úr Aftureldingu hefur ákveðið að taka slaginn með Fjölni í Olísdeild karla á næstu leiktíð. Haraldur Björn lék með Fjölni sem lánsmaður frá Aftureldingu síðari hluta síðustu leiktíðar og virðist hafa líkað visitin í Grafarvogi.
Haraldur Björn er rétthent skytta. Hann skoraði 34 mörk í sjö leikjum með Fjölni í síðari hluta Grill 66-deildarinnar auk þess sem hann lét til sín taka í umspilsleikjunum gegn Þór um sæti Olísdeildinni.
Koma Haraldar Bjarnar til Fjölnis eru ekki einu góðu fréttirnar sem bárust úr herbúðum félagsins um helgina. Aron Breki Oddnýjarson hefur skrifað undir nýjan tveggja ára samning við Fjölni. Hann er rótgróinn félagsmaður. Aron Breki fylgir þar með í kjölfar bróður síns Alex Mána sem skrifaði undir nýjan samning fyrir nokkrum vikum.
Eins og mörgum er e.t.v. í fersku minni þá var Gunnar Steinn Jónsson ráðinn þjálfari karlaliðs Fjölnis á dögunum auk þess sem Aðalsteinn Örn Aðalsteinsson sneri heim eftir tveggja ára dvöl hjá Stjörnunni.
