- Auglýsing -
Aðalsteinn Örn Aðalsteinsson hefur gengið til liðs við Fjölni á nýjan leik eftir tveggja ára dvöl hjá Stjörnunni. Aðalsteinn er uppalinn Fjölnismaður sem ætlar sér að taka slaginn með uppeldisfélaginu sínu í Olísdeildinni á næsta keppnistímabili. Fjölnir vann sér sæti í deildinni í vor eftir sigur á Þór í æsilega spennandi umspili.
Aðalsteinn er hávaxinn og örvhentur. Eftir því sem fram kemur í tilkynningur Fjölnis í dag þá hefur hann leikið 106 leiki fyrir lið félagsins í meistaraflokki og skorað 222 mörk.
Nýverið var Gunnar Steinn Jónsson ráðinn þjálfari Fjölnis í stað Sverris Eyjólfssonar sem lét af störfum að eigin ósk í vor.
Karlar – helstu félagaskipti 2024
- Auglýsing -
