Leikmönnum Harðar á Ísafirði vex fiskur um hrygg með hverjum leiknum sem þeir leika í Grill 66-deild karla í handknattleik. Þeir hafa nú önglað saman sjö stigum í deildinni og eitt þeirra bættist í safnið í kvöld þegar Harðarmenn gerðu jafntefli við liðsmenn Kríu, 28:28, í íþróttahúsinu á Torfnesi í 11. umferð deildarinnar. Eins og víða annarstaðar þá mátti selja takmörkuðum fjölda áhorfenda aðgang að leiknum á Ísafirði í kvöld. Ísfirðinginar létu ekki sitt eftir liggja og mættu til að styðja sína menn og aðstoða þá við að ná í annað stigið.
Kría var öflugri í fyrri hálfleik. Heimamenn sóttu í sig veðrið í síðari hálfleik vel studdir af áhorfendum og kræktu í annað stigið. Kría hefur þar með 14 stig eftir 11 leiki í fimmta sæti deildarinnar en Harðarmenn sitja í áttunda sæti með sjö stig og eiga leik inni gegn ungmennaliði Hauka.
Mörk Harðar: Ravis Gorbunovs 6, Guntis Pilpuks 5, Aleksa Stefanovic 3, Óli Björn Vilhjálmsson 3, Endijs Kusners 3, Jón Ómar Gíslason 3, Tadeo Ulises Salduna 2, Rolands Lebedevs 1, Þráinn Ágúst Arnaldsson 1, Daníel Wale Adeleye 1.
Mörk Kríu: Kristján Orri Jóhannsson 7, Viktor Andri Jónsson 4, Filip Andonov 4, Gísli Gunnarsson 3, Alex Viktor Ragnarsson 3, Sigþór Gellir Michaelsson 2, Vilhjálmur Geir Hauksson 2, Jóhann Kaldal Jóhannsson 1, Henrik Bjarnason 1, Gunnar Valur Arason 1.
Staðan í Grill 66-deild karla.
