Harðarmenn halda sjó

Það er ævinlega mikið skorað í leikjum Harðar á Ísafirði. Á því var engin undantekning í kvöld þegar ungmennalið Vals kom í heimsókn í íþróttahúsið á Torfnesi til leiks í Grill66deild karla. Valsmenn gáfu sinn hlut ekki eftir alveg átakalaust þótt svo færi að Harðarmenn fögnuðu sigri, 36:34, eftir að hafa verið þremur mörkum yfir að loknum fyrri hálfleik, 21:18.

Hörður komst þar með upp að hlið ÍR í efsta sæti deildinnar, hvort lið hefur 20 stig. Hörður að loknum 12 leikjum en ÍR hefur lagt 11 leiki að baki. Fjölnir er einnig með 20 stig en er að leika þessa stundina við ungmennalið Aftureldingar í Dalhúsum.

Mörk Harðar: Daníel Wale Adeleye 7, Sukuru Hikawa 6, Guntis Pilpuks 5, Jón Ómar Gíslason 4, Kenya Kasahara 3, Þráinn Ágúst Arnaldsson 3, Miel Arista Amilibia 3, Tadeo Salduna 2, Axel Sveinsson 2, Stefán Freyr Jónsson 1.
Mörk Vals U.: Andri Finnsson 8, Breki Hrafn Valdimarsson 7, Tryggvi Garðar Jónsson 7, Tómas Sigurðsson 4, Ísak Logi Einarson 3, Jóel Bernburg 3, Þorgeir Arnarsson 2.

Stöðuna og næstu leiki í Grill66-deild karla er að finna hér.