Haukar keyrðu yfir ÍR-inga í síðari hálfleik í viðureign liðanna á Ásvöllum í kvöld og unnu með 16 marka mun, 44:28, í upphafsleik 3. umferðar Olísdeildar karla. Haukar hafa þar með fjögur stig eftir þrjár viðureignir en ÍR er með eitt stig og mætir Aftureldingu í næstu umferð eftir viku.
Hraðinn var mikill í leiknum á Ásvöllum í kvöld og alls voru skoruð 36 mörk í fyrri hálfleik. Haukar voru fjórum mörkum yfir, 20:16.
Leiðir liðanna skildu fyrir fullt og fast í síðari hálfleik. Þá kom getumunurinn skýrt í ljós. Leikmönnum Hauka tókst að slá helstu vopnin úr höndum gestanna svo úr varð ójafn leikur þar sem 12 af 16 leikmönnum Hauka tókst að skora.
Bernard Kristján Owusu Darkoh gat leikið með ÍR á ný eftir meiðsli sem hann varð fyrir í viðureigninni við Þór í 1. umferð.
Mörk Hauka: Össur Haraldsson 9/1, Freyr Aronsson 8/2, Birkir Snær Steinsson 7, Hergeir Grímsson 4, Skarphéðinn Ívar Einarsson 3, Jón Ómar Gíslason 3, Sigurður Snær Sigurjónsson 2, Þráinn Orri Jónsson 2, Andri Fannar Elísson 2, Egill Jónsson 1/1, Ólafur Ægir Ólafsson 1, Ásgeir Bragi Bryde Þórðarson 1, Magnús Gunnar Karlsson 1.
Varin skot: Aron Rafn Eðvarðsson 12, 37,5% – Magnús Gunnar Karlsson 4, 33,3%.
Mörk ÍR: Baldur Fritz Bjarnason 10/5, Bernard Kristján Owusu Darkoh 5, Róbert Snær Örvarsson 4, Sveinn Brynjar Agnarsson 4, Jökull Blöndal Björnsson 2, Patrekur Smári Arnarsson 1, Eyþór Ari Waage 1, Elvar Otri Hjálmarsson 1.
Varin skot: Ólafur Rafn Gíslason 8/1, 21,6% – Alexander Ásgrímsson 5.
Tölfræði leiksins hjá HBStatz.
Staðan og næstu leikir í Olísdeildum.
