Haukar hafa unnið báða leiki sína til þessa á Hafnarfjarðarmótinu í handknattleik karla. Þeir lögðu ÍBV á Ásvöllum í kvöld, 29:21, eftir að hafa verið yfir í hálfleik, 14:11. Sigurinn var sannfærandi. Framundan er viðureign við FH í lokaumferð mótsins á laugardaginn. Flautað verður til leiks klukkan 13.
FH-ingar töpuðu naumlega fyrir Stjörnunni í kvöld, 30:29. Tandri Már Konráðsson skoraði sigurmark Stjörnunnar hálfri mínútu fyrir leikslok eftir langa sókn. FH-ingar áttu síðustu sóknina en tókst ekki að skora þrátt fyrir að hafa lagt á ráðin.
Staðan var jöfn í hálfleik, 18:18. Stjörnumenn skoruðu fyrsta mark síðari hálfleiks og voru með yfirhöndina það sem eftir var hálfleiksins. Tíu mínútum fyrir leikslok var Stjarnan fjórum mörkum yfir, 27:23.
Hér fyrir neðan er nokkrar myndir Jóa Long frá leik FH og Stjörnunnar í kvöld.
Stjarnan – FH 30:29 (18:18).
Engar upplýsingar er að fá um markaskorara í kvöld.
Haukar – ÍBV 29:21 (14:11).
Mörk Hauka: Andri Fannar Elísson 7, Skarphéðinn Ívar Einarsson 5, Birkir Snær Steinsson 4, Adam Haukur Baumruk 3, Þráinn Orri Jónsson 3, Sigurður Snær Sigurjónsson 2, Össur Haraldsson 2, Jakob Aronsson 1, Egill Jónsson 1, Kristinn Pétursson 1.
Varin skot: Magnús Gunnar Karlsson 10, Vilius Rasimas 9.
Mörk ÍBV: Gabríel Martinez Róbertsson 5, Dagur Arnarsson 4, Kristófer Ísak Bárðarson 4, Kári Kristján Kristjánsson 3, Sigtryggur Daði Rúnarsson 3, Breki Þór Óðinsson 1, Sveinn José Rivera 1.
Varin skot: Petar Jokanovic 17.
