Haukar sækja Gunnar úr láni vegna meiðsla Þráins Orra

Vegna alvarlegra meiðsla Þráins Orra Jónssonar hafa Haukar kallað Gunnar Dan Hlynsson til baka úr láni hjá Gróttu. Gunnar Dan hefur leikið með Gróttu undanfarið hálft þriðja ár.

Gunnar verður gjaldgengur með Haukum á mánudaginn þegar þeir sækja Stjörnumenn heim í TM-höllina í Olísdeild karla.

Línumaðurinn Þráinn Orri Jónsson meiddist á hné snemma leiks á milli Íslands og Noregs um 5. sætið á Evrópumeistaramótinu. Eftir því sem handbolti.is veit best þá er reiknað með að Þráinn Orri verði a.m.k. 10 vikur frá keppni vegna meiðslanna.

Eins og kom fram á handbolta.is gær þá hefur Grótta fengið Andra Finnsson að láni frá Val. Er Andra væntanlega ætlað að hlaupa í skarðið fyrir Gunnar Dan sem hefur leikið afar vel fyrir lið Seltirninga.

Líflegt í félagaskiptum: Garðar í ÍBV, Andri í Gróttu, Daníel í FH og Logi til Eyja

Stöðu og næstu leiki í Olísdeild karla má sjá hér.