Haukur Þrastarson hefur verið aðsópsmikill fram til þessa á sínu fyrsta keppnistímabili í þýsku 1. deildinni í handknattleik. Þegar tímabilið er u.þ.b. hálfnað hefur Haukur gefið flestar stoðsendingar allra leikmanna deildarinnar, alls 94 í 18 leikjum, rúmlega 5 sendingar í hverjum leik sem m.a. hefur orðið til þess að Jannik Kolhlbacher, línumaður og samherji Hauks, er á meðal markahæstu leikmanna deildarinnar.
Daninn Mathias Gidsel er næstur á eftir með 80 sendingar. Hann hefur leikið einum leik fleiri en Haukur.
Gísli Þorgeir Kristjánsson er andar ofan í hálfmálið á Dananum. Gísli Þorgeir er í þriðja sæti með 79 stoðsendingar, einni færri en Gidsel, auk þess sem Gísli Þorgeir á leik inni á Gidsel.
Athyglisverð er staða Viggós Kristjánssonar. Hann hefur gefið 53 stoðsendingar í 13 leikjum, eða rétt rúmlega fjórar í leik. Hann er nærri á pari við Gísla Þorgeir.
Hér fyrir neðan eru þeir 20 leikmenn sem gefið hafa flestar stoðsendingar í þýsku 1. deildinni.
Haukur Þrastarson, Rhein-Neckar Löwen, 94.
Mathias Gidsel, Füchse Berlin, 80.
Gísli Þorgeir Kristjánsson, SC Magdeburg, 79.
Jacob Arenth Lassen, HSV Hamburg, 77.
Julian Köster, Vfl Gummersbach, 63.
Marian Michalczik, Hannover-Burgdorf, 62.
Simon Pytlick, Flensburg, 60.
Elias Ellefsen á Skipagøtu, THW Kiel, 58.
Sören Steinhaus, Bergischer, 56.
Ómar Ingi Magnússon, SC Magdeburg, 55.
Kai Häfner, Stuttgart, 54.
Viggó Kristjánsson, HC Erlangen, 53.
Dainis Kristopans, MT Melsungen, 50.
Leif Tissier, Hannover-Burgdorf, 49.
Filip Vistorop Wetlzar, 48.
Niels Gerardus Versteijnen, Lemgo, 47.
Lasse Bredekjær Andersson, Füchse Berlin, 45.
Olle Forsell Schefvert, MT Melsungen, 45.
Nicolaj Jørgensen, HSV Hamburg, 43.
Tim Suton, Lemgo, 40.
