„Lokakaflinn eins og upphafskaflinn veldur vonbrigðum en á milli voru nokkrir flottir kaflar. En heilt yfir var þetta ekki nógu gott,“ sagði Halldór Stefán Haraldsson þjálfari karlaliðs KA við handbolta.is eftir fjögurra marka tap KA fyrir Gróttu í fyrstu umferð Olísdeildar karla, 29:25, í Hertzhöllinni á Seltjarnarnesi.
Grótta skoraði sjö mörk í röð á rúmlega tíu mínútna kafla í síðari hluta síðari hálfleiks án þess að KA tækist að svara fyrir sig. Um ástæður þessarar markaþurrðar sagði Halldór Stefán:
„Hann [Magnús Gunnar Karlsson markvörður Gróttu] varði skot úr fjórum dauðafærum auk nokkurra ruðningsdóma á okkur sem mér þykja pínu skrítnir en eru eflaust réttir hjá þeim [dómurunum]. Allt gerðist þetta á svipuðum tíma og þá sveiflaðist leikurinn svolítið frá okkur.“
Lengra myndskeiðsviðtal við Halldór Stefán er að finna efst í þessari grein.
Tíu markalausar mínútur KA og Gróttumenn hrósuðu sigri
Staðan og næstu leikir í Olísdeildum.
