Hergeir framlengdi við bikarmeistarana

Hergeir Grímsson, nýkrýndur bikarmeistari með Haukum, hefur skrifað undir nýjan samning við félagið sem gildir til sumarsins 2028. Handkastið greinir frá.

Hergeir, sem er 29 ára leikstjórnandi, er á sínu öðru tímabili með Haukum eftir að hafa leikið með Stjörnunni um tveggja ára skeið þar á undan.

Ferilinn hóf hann hins vegar hjá uppeldisfélagi sínu Selfossi og varð Íslandsmeistari með liðinu árið 2019.

Hergeir hefur verið í minna hlutverki á yfirstandandi tímabili vegna frábærrar frammistöðu Freys Aronssonar, hins 17 ára gamla leikstjórnanda sem var valinn besti leikmaður bikarvikunnar eftir að Haukar urðu bikarmeistarar fyrir viku síðan.