- Auglýsing -
Hildigunnur Einarsdóttir, Val og Alfa Brá Oddsdóttir Hagalín, Fram, hafa dregið sig út úr landsliðinu í handknattleik. Ástæðan eru meiðsli og sú staðreynd að því miður virðist ljóst að þær verða ekki búnar að jafna sig á næstu dögum svo þær geti verið tiltækar í leikina tvo í undankeppni Evrópmótsins sem fram fara 3. og 7. apríl.
Hildigunnur meiddist illa á ökkla í viðureign Vals og Hauka í Olísdeildinni laugardaginn 16. mars.
Aðrar handknattleikskonur verða ekki valdar í þeirra stað en Arnar Pétursson landsliðsþjálfari valdi 21 konu til æfinga og undirbúnings fyrir leikina tvo, gegn Lúxemborg ytra 3. apríl og við Færeyinga á Ásvöllum sunnudaginn 7. apríl. Þess vegna er borð fyrir báru í hópnum þótt tvær verði að draga sig til baka.
- Auglýsing -
