- Auglýsing -
Hildur Guðjónsdóttir og Birgir Már Birgisson voru í útnefnd handknattleikskona og handknattleikskarl ársins 2023 hjá FH við hátíðlega athöfn í Kaplakrika þar sem veittar voru viðurkenningar til þeirra íþróttamanna FH sem sköruðu fram úr á árinu.
Hildur var kjölfesta í liði FH í Grill 66-deild kvenna á fyrri hluta ársins en liðið var í harðri baráttu um að komast upp í Olísdeildina. Hún hefur verið meidd síðustu mánuði og lítið komið við sögu það sem af er leiktíðar.
Birgir Már er fyrir nokkru orðinn einn öflugasti leikmaður karlaliðs FH sem er sem stendur í efsta sæti Olísdeildar karla, auk þess að vera í átta liða úrslitum Poweradebikarsins og í 16-liða úrslitum Evrópubikarkeppninnar.
- Auglýsing -
