Sigurður Jefferson Guarino leikmaður HK er í 20 manna landsliðshópi Bandaríkjanna í handknattleik karla sem kemur saman til æfinga í Sønderborg í Danmörku 5. til 14. janúar. Æfingarnar eru í samvinnu við danska úrvalsdeildarliðið SønderjyskE.
Sigurður lék sína fyrstu landsleiki fyrir Bandaríkin á þróunarmóti Alþjóða handknattleikssambandsins í Búlgaríu í mars.
Athygli vekur við valið á bandaríska landsliðinu að Alfred Jönsson, fyrrverandi landsliðsmaður Svíþjóðar, er í hópnum. Hann var síðast með sænska landsliðinu á HM 2021. Jönsson, sem leikur með danska úrvalsdeildarliðinu Ribe-Esbjerg, er af bandarísku bergi brotinn eins og Sigurður Jefferson Guarino.
Bandaríska landsliðið tekur þátt í æfingamóti, NORLYS Golden League, í Kaupmannahöfn 19., 21. og 22. mars. Auk landsliðs Bandaríkjanna og heimsmeistara Danmerkur taka landslið Noregs og Hollands þátt í mótinu.
Bandaríska landsliðið sem kemur saman til æfinga 5. janúar:
