HK treysti stöðu sína í efsta sæti Grill 66-deildar kvenna í handknattleik með fimm marka sigri á Gróttu, 26:21, í 3. umferð deildarinnar. Leikið var á heimavelli Gróttu, Hertzhöllinni á Seltjarnesi. HK var marki yfir í hálfleik, 11:10.
HK hefur þar með sex stig eftir þrjá fyrstu leikina. Grótta hefur þrjú stig í þriðja sæti, alltént eins og sakir standa en viðureignin var sú fyrsta í þriðju umferð.
Kópavogsliðið var sterkara síðustu 20 mínútur leiksins og var sigur liðsins öruggur í ljósi þess.
Mörk Gróttu: Ída Margrét Stefánsdóttir 8, Katrín Arna Andradóttir 5, Katrín S. Scheving Thorsteinsson 2, Þóra María Sigurjónsdóttir 2, Elísabet Ása Einarsdóttir 1, Katrín Helga Sigurbergsdóttir 1, Lilja Hrund Stefánsdóttir 1, Svandís Birgisdóttir 1.
Varin skot: Andrea Gunnlaugsdóttir 18.
Mörk HK: Tinna Ósk Gunnarsdóttir 7, Hekla Fönn Vilhelmsdóttir 6, Valgerður Ýr Þorsteinsdóttir 4, Jóhanna Lind Jónasdóttir 3, Amelía Laufey G. Miljevic 2, Sóley Ívarsdóttir 2, Auður Katrín Jónasdóttir 1, Katrín Hekla Magnúsdóttir 1.
Varin skot: Danijela Sara B. Björnsdóttir 12.
Staðan og næstu leikir í Grill 66-deildum.
