Hlaupið hefur á snærið hjá karlaliði HK í handknattleik. Tveir fyrrverandi leikmenn liðsins, Andri Þór Helgason og Leó Snær Pétursson, hafa ákveðið að taka slaginn á ný með HK eftir nokkurra ára fjarveru. Báðir voru þeir félagar með Aftureldingu á síðustu leiktíð.
Leó Snær, sem hægri hornamaður, hefur verið í tvö ár með Aftureldingu en var þar á undan með Stjörnunni eftir að hafa flutt heim eftir veru í Danmörku hvar hann lék með Malmö í Svíþjóð. Leó Snær er uppalinn HK-ingur og var m.a. í eftirminnilegu meistaraliði félagsins vorið 2012.
Andri Þór, sem er vinstri hornamaður, gekk til liðs við Aftureldingu fyrir ári eftir nokkurra ára veru hjá Gróttu. Hann hefur einnig leikið með Fram en var í HK fyrir nokkrum árum við góðan orðstír.
HK tókst að halda sæti sínu í Olísdeildinni í vor eftir mikla baráttu. Síðan hafa orðið nokkur uppskipti í leikmannahópnum auk þess sem nýr þjálfari er kominn að borðinu, Halldór Jóhann Stefánsson. Hann tók við af Sebastian Alexanderssyni og Guðfinni Kristmannssyni.