Heimsmeistaramót 18 ára landsliða kvenna fer fram í Rúmeníu frá 29. júlí til 9. ágúst í sumar. Reynst hefur verið erfitt fyrir Alþjóða handknattleikssambandið að finna leikstað fyrir mótið. Enn er leitað að gestgjafa fyrir heimsmeistaramót 20 ára landsliða kvenna sem til stendur að haldið verði í sumar.
Alþjóða handknattleikssambandið, undir styrkri stjórn Hassan Moustafa, mun leita logandi ljósi að handknattleikssambandi sem vill halda mótið. HM 20 ára landsliða kvenna fór fram í Skopje í Norður-Makedóníu sumarið 2024.
Íslensku liðið hefur öðlast þátttökurétt á 20 ára kvenna. Enn ríkir hinsvegar óvissa með hversu mörg sæti Evrópu fær á U18 mótinu. Þess vegna er ekki víst að Ísland öðlist keppnisrétt í Rúmeníu. Nýkjörinn forseti og stjórn Alþjóða handknattleikssambandsins hljóta að skýra málin fljótlega.
Leikið í fjórum borgum
Hugur er í Rúmenum varðandi mótahald á komandi sumri. Til stendur að leikið verði í borgunum Craiova, Mioveni, Pitești and Râmnicu Vâlcea. Evrópumót 19 ára landsliða kvenna var haldið í Rúmeníu sumarið 2023.
Þess má geta að EM 18 ára landsliða karla verður haldið í Serbíu á sama tíma og HM 18 ára landsliða kvenna stendur yfir í Rúmeníu, þ.e. frá 29. júlí til 9. ágúst.
Fréttin hefur verið uppfærð.
