HM-treyja íslenska landsliðsins í handknattleik karla er komin í sölu í vefverslu HSÍ en treyjurnar koma til landsins á morgun, að sögn Kjartans Vídó Ólafssonar, markaðsstjóra HSÍ. Kjartan segir spurn eftir nýju treyjunni vera mjög mikla enda sé um að ræða tilvalda jólagjöf fyrir handknattleiksáhugafólk á öllum aldri.
Um leið og treyjurnar hafa verið tollafgreiddar fara þær í merkingu og standa vonir til þess að þær fyrstu verði afhentar á þriðjudaginn 20. desember á skrifstofu HSÍ. Reikna má með að fyrir vikið verði handagangur í öskjunni hjá Kjartani og félögum á skrifstofunni.
Treyjurnar koma jafnt í karla- og kvennasniðum og eins í stærðum barna.
Nú er um að gera að tryggja sér nýja HM-treyju áður en flautað verður til leiks á heimsmeistaramótinu í Svíþjóð og Póllandi 11. janúar en íslenska landsliðið hefur leik daginn eftir.
