Þjóðverjar slógu upp veislu með 9.000 áhorfendum í Max Schmeling Halle í Berlín í kvöld og tryggðu sér heimsmeistaratitilinn í handknattleik karla, skipað leikmönnum 21 árs og yngri. Þeir unnu afar öruggan sigur á Ungverjum í úrslitaleik, 30:23, eftir að hafa verið þremur mörkum yfir að loknum fyrri hálfleik, 14:11.
Síðari hálfleikur var aldrei spennandi, til þess var þýska liðið einfaldlega alltof sterkt. Ungverska liðið, sem hefur leikið allra liða best í keppninni brotnaði undan stemningunni og varð aldrei sjálfu sér líkt.
Þetta er í þriðja sinn sem Þýskaland vinnur heimsmeistaratitilinn í aldursflokki 21 árs og yngri og fyrsta sinn í 12 ár.
Röð liðanna á mótinu:
Röð | Land | Röð | Land | |
1 | Þýskaland | 17 | Pólland | |
2 | Ungverjaland | 18 | Noregur | |
3 | Ísland | 19 | Japan | |
4 | Serbía | 20 | Slóvenía | |
5 | Danmörk | 21 | Sádi Arabía | |
6 | Portúgal | 22 | Alsír | |
7 | Færeyjar | 23 | Marokkó | |
8 | Króatía | 24 | Kúveit | |
9 | Spánn | 25 | Argentína | |
10 | Egyptaland | 26 | Angóla | |
11 | Frakkland | 27 | Bandaríkin | |
12 | Svíþjóð | 28 | Kúba | |
13 | Barein | 29 | Chile | |
14 | Túnis | 30 | Líbía | |
15 | Grikkland | 31 | Kosta Ríka | |
16 | Brasilía | 32 | Grænland |
- Auglýsing -